أوعى وشَك

دالـــــيدا كمان وكمان

2007-05-27T21:06:00.000+03:00

داليدا وُلِدَت لتغني_تعليق خالد ابو النجا_الجزء الاول

داليدا وُلِدَت لتغني-تعليق خالد ابو النجا-الجزءالثاني

داليدا في لبنان مع السيدة فيروز عام 1975

داليدا حصلت على لقب ملكة جمال مصر سنة1954

سجلت داليدا اكتر من 500 اغنيه

في 9 لغات فرنسي اسباني ايطالي الماني عربي عبري ياباني هولندي تركي

مثلت في 12فيلم كان اولهم فيلم "سيجارة وكاس"(1956) في مصر قبل ما تسافر باريس

في سنة 1986 قدمت اخر فيلم ليها وكان بردة فمصر بعنوان " اليوم السادس " من اخراج يوسف شاهين

1987 باعت اكثر من 120 مليون اسطوانه في العالم سنة

وليها55 اسطوانه ذهبيه

وشوية اسطوانات بلاتينية

واسطوانة ماسية ..وكانت اول مطربة تاخد الاسطوانة دي في أوروبا

سنة 1956 اتوزع اكثر من 175,000 نسخه في اسابيع قليله من صدور اغنيتها

"Bambino"

وسنة 1960 و 1961 نالت الاوسكار أفضل اغنية

و في سنة 1960 حصلت على اربع اسطوانات ذهبيه مرة واحدة وأصبحت المغنيه الاكثر شعبيه في فرنسا

في سنة 1977 اخدت داليدا لقب " مطربة السلام " بعد اغنيتها " سالمى يا سلامة " . و اُذيعت الاغنيه على كل محطات الاذاعه في مصر في يوم زيارة الرئيس السادت المعروفة

1978 كانت داليدا من الاوائل الي صورو الاغانى بطريقة الفيديو كليب

وكانت وكانت وكانت

وما زالت

في قلوب كل اللي بيحبوها

الملكة دالــــــــــــــــــــــــــــــــــــــيدا

DALIDA داليـــــــــــــــــــدا

2007-04-27T15:30:00.000+03:00

3 مايو 1987

داليـــــــــدا

اختارت انها تسدل الستار على حياتها

المليئة بالنجاح....والالم

3 mai 1987

DALIDA a choisi d'abaisser les rideaux

sur sa vie complètement de succès et....de douleur

"الحياة اصبحت غير محتمله ... سامحوني"

"Pardonnez-moi la vie est insupportable"

تم دفن داليدا بمقابر
" Cimetiere de Montmartre "
في باريس وقد تم صنع تمثال لها على القبر بنفس الحجم الطبيعي لها
وهو يعتبراحدى اكثر الاعمال المنحوته تميزاً في المقابر الخاصه بالمشاهير

*

*

عودة داليدا لمصر والبيت الي كانت عايشة فية في شبرا
Dalida revient à l'Egypte et sa vieille maison a shoubra

*
مشهد الانتحار من فيلم بيحكي قصة حياتها
Le suicide de Dalida

*

:(.........mon vedio plus triste jamais ..........:(

*
DALIDA parle l'Arabe

*
la merveilleuse Dalida a mon cœur pour toujours

بحب داليــــــــدا للابد

Mokhtar

حِــــــــــــداد

2007-03-25T23:33:00.000+02:00

ما هي السياسة؟

2007-02-06T11:32:00.000+02:00

لايوجد في مصر كبير أو صغير إلا ويتحدث في السياسة
ولكن ما هو تعريف السياسة؟
حتى الان -يقول المختصون-انه يصعب تعريف السياسة تعريفاً دقيقاً موحداً وشاملاً
عموما مهما تنوعت التعريفات واختلفت في السياسة النظريات,إلا انه يعجبني هذا التعريف بالذات

إرهاصــــات عام جديد

2007-01-03T00:03:00.000+02:00

كل سنة وانتو طيبين مع انها متأخرة شوية

تحذير:لو متفائل وحالتك النفسية كويسة كدة ماتكملش قراءة البوست دة

من كام يوم كدة قبل السنة الجديدة وانا جاي من الكلية وواقف على الرصيف فالمحطة مستني القطر انا وزميلي لا بيا ولا عليا ,لقينا قدامنا شبح انسان سبحان الله في هيئته ماتعرفش ده من العصر الحجري مثلا ومسافر عبر الزمن ولا طالع منين !!!كل الناس طبعا فضلت تبحلق في هذا المخلوق المسكين البائس ومعظمهم بيضحك وكأنه مشهد من مشاهد الكوميديا السوداء متقنة الآداء..الراجل كل لبسة من الشكاير

البلاستيك!!!!ايوة من الشكاير البلاستيك ومخيطهم ببعض

كان بيلم الزبالة من على الارصفة ومن على القضبان وماشي بضهرة المحني وكأنة منهك بحملة التقيل من الجراثيم

وعَّلِمت معايا كلمات زميلي وهو بيقولي "دة بابا نويل ولا اية؟!طب قولي والنبي الراجل دة يوم القيامة هيتحاسب على اية؟دة هما بكتيرو خمس دقايق وعالجنة حدف...مابالك بقى بصاحبنا هايقف ازاي قدام ربنا وهايقف اد اية..؟

ضحكت لكن جوايا .... :((( ....وتساؤلات كتير,هو ذنبة اية يعيش مشرد بالطريقة دي وقولت فنفسي لا ذنبة ولا ذنب الاتنين مليون ومتين الف

مشرد اللي مرميين فالشوارع ربنا يتولاهم بقى وافتكرت تعليقي الساخر على هذا الموضوع ,وبصيت لقيتني بَصَورُه وبعد ثواني

ودعت صديقي بابتسامة وانا بقولو كل سنة وانت طيب

ومشي بيا القطر

...........................................................

Signs of a new year

warning : you are optimistic and your psychological state is goin fine,if so, do not continue reading this post.(",)

few days b4 the new year , I was on my way home after a lecture and while im waiting for the train with a colleague,

We were surprised to have the specter of a strange looking person as if he was just coming from the Stone Age and passing across time!
The man was wearing plastic saddlebags ,Yes was wearing plastic saddlebags as u can notice in his pics.

His clothes drew the attention of all attendees and most of them laughed at his poor miserable looking,it was more like to a perfectly performed black comedy scene .

he was collecting garbage from the sidewalks and the rail ,he moved slowly with his bent back swarmed with microbes and dirts. this Homeless person is just an example of two million, two hundred thousand homeless present in Egypt.

we wondered why should this man and his likes live this miserable life while others steal their rights, dignity and life to turn them into zeros on the right in their accounts in Switzerland banks.

Soon, the train arrived on shaking hands with my colleague wishing him a happy new year.

همســات

2006-12-12T13:11:00.000+02:00

أنت و أنا طرفا نقيض
تحب الشمس، و أحب القمر
تنظر يميناً و أنظر شمالاً
تميل للجد والرزانة، و أنا للضحك والبساطة
تتألق تحت الأضواء، وانكمش بفعل الضوضاء
ينطلق لسانك منسجماً، وينعقد لساني متحرجاً
مختلفان،
ومتفقان على أننا مختلفان
وما زلنا صديقين
أحبك وتحبني
فإنسانيتنا ترقى فوق كل خلاف

تصريحات وزير الثقافة بين الحقيقة والخرافة

2006-11-21T20:03:00.000+02:00

اكيد يا جماعة سمعتو عن الزوبعة اللي عاملاها تصريحات وزير الثقافة للمصري اليوم واللي كررها فأكتر من مناسبة من غير مناسبة بالمررررة

الضجة مازالت مستمرة وتداعيتها بتتوالى واللي اخرها ان 130 نائب من "الوطني"والاخوان والمعارضة مقدمين بيان لسحب الثقة من "سيادة الوزير"ا

انا متابع الموضوع من الأول وبصراحة هيجرالي حاجة من كلام الراجل دة ..إزاى حتى أى "مثقف" يقول كلام فارغ كدة؟؟ مابالك بوزير الثقافة فالمنصب الحساس ده؟؟ يعني بنتكلم عن اكبر "راس" فيكي يا وزارة (سوري الدراسة تحكم )هو مدرك تماماً مدى خطورة تصريحاتة ومع كدة بيكررها (علامة استفهام كبيييرة؟)ا

المهم قاعد بقلب فالتليفزيون لا بيا ولا عليا لقيت المذيع عالمحور بيقول ثواني وهيبقى معانا الوزير "الفنان" فاروق حسني عشان يرد على الضجة الكبيرة بسبب تصريحاته
قلت خيييير الراجل تلاقية جاي يقول للجماهير الغاضبة ان كلامة اتفسر غلط أو أى بؤين يلم بيهم الموضوع..بس فيييين
ياريتة كان قعد فبيتة أكرملة بدل ما يزيد موقفه سؤا على سؤ بكلامة المخالف للعقيدة الاسلامية بشكل صارخ يصل لحد التشكيك فى النص القرأني

هالخصلكو بقى النقط الاساسية في وجهة نظر سيادتة واللي خلتو يقول كدة

1.
حجاب المرأة رمز للتخلف والرجوع الى الوراء وفي ناس عاوزة تخلي الحجاب ده فرض بالعافية

2.
ارتداء الحجاب اثره في المجتمع انه بيعمل تفرقة مالهاش لازمة بالظبط زي ما واحد مسلم يلزق على عربيتة اشهد ان لا اله الا الله وأن محمد رسول الله وواحد قبطي يحط صورة للمسيح او السيدة مريم

3.
ا(خدو بالكو من السبب الحلو دة) النساء دول هما زهرات اي مجتمع(ياسيييدي) يعني زي الواحد اما بيدخل جنينة يلاقي الزهور يشرأب بمنظرها وشك كدة

سيادة الوزير عارف ان كلامة كله مردود علية سواء بالنصوص القرآنية أو حتى بالمنطق لأي ذو عقلٍ سليم

بالنسبة للنقطة الاولى بتاعة ان الحجاب مش فرض ..اقولة لا ياسيادة الوزير انت عارف الآية 31 في سورة النور اللي بتنص بشكل لا يقبل التأويل على الحجاب لكل مسلمة
{وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاء بُعُولَتِهِنَّ أَوْ أَبْنَائِهِنَّ أَوْ أَبْنَاء بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُوْلِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاء وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ}

وياريت نلاحظ أول آية في سورة النور الله سبحانة وتعالى بيقول فيها ايه:
{سُورَةٌ أَنزَلْنَاهَا وَفَرَضْنَاهَا وَأَنزَلْنَا فِيهَا آيَاتٍ بَيِّنَاتٍ لَّعَلَّكُمْ تَذَكَّرُونَ}

اما ان الفقهاء ماتفقوش على شكل محدد للحجاب والكلام بتاعك دة فالمهم انهم اتفقوا ان فية حجاب مااااادي مش حجاب معنوي من الاخلاق والمثل زي ما بتقول حضرتك

اما عن حكاية التفرقة فالمجتمع ..لية سيادتة متكلمش على المسيحيات ال بيعلقو صليب وبيبقى واضح للعيان هو انا لما بشوف واحدة مسيحية معلقة الصليب __بيحصل كتير جدا__مش بعرف انها مسيحية ولا بفتكرة مفتاح الحياة الفرعوني؟؟

أما حكاية النساء زهرات المجتمع فبسأل:زهرات اية ياسيادة الوزير الللي بتتكلم عنها؟!هي المرأة قيمتها فشَعرها وتبرجها ولا فثقافتها واخلاقها يا معالي وزير الثقافة!!!!!!!!..روح احسن شوف حل فالإنحطاط وتدني الذوق العام المُبتلى به الوسط "الفني"حالياً,وعدم الاهتمام بنشرالوعي الثقافي في مصر خصوصاً بين اوساط الشباب,ولا كمان نسي محرقة بني سويف اللي راح ضحيتها العشرات ....لا ذنب لهم اللهم انهم مثقفين!!ا

مش برضو حاجة تفقع وتبرجل النفوخ ولا انتو مش معايا

وقبلت التحدي

2006-11-20T19:55:00.000+02:00

عمال افكر اية اول موضوع انزل بية فالمدونة , وبصراحة عــامل مــوضوع هااايـــل عن زوبـــعة الحجــاب لكن للأمانة لســــة ماخلصتـــوش ,وكنــت هاضع لمساتي الاخيرة علية ..اللهم الا ان ____ دخل معايا في تحدِ وهو يعلم تمام العلم نتيجتة مسبقا--اني هاكسب طبعا هههههههههههههه!!!!!....التحدي هو مين هايكتب موضوع أاسرع من التاني وينشره
في مدونتة ...فكرت وفكرت... وهو عمال يكتب ويغيظنى... لحد ما هداني تفكيري للموضوع دة اتمنى يعجبكم

:اغرب 6 حالات وفاة في التاريخ من موسوعة جينيس

اول حاجة بيقولك انو في أحد الحقول المصرية شربت احدى العاملات مية ساقعة ولكنها اصيبت بذعر شديد لما لاحظت وجود بعض النمل في الماء, فأسرعت إلى المنزل(لية بقى؟؟) راحت شربت مبيدحشري فحصل لها تشنجات و توفيت بالمستشفى

تانى حالة وفاة هى غرق عامل اسمه " روبرت هيرشي " كان بيشتغل في مصنع للفطائر في مدينة أوننغتون بولاية بنسلفانيا ، وقع في قدر مليء بالشوكولاته(الظاهر كان بيبادل كادبوري الاحساس بالاحساس

تالت حالة وفاة حصلت لما بدأ عامل البناء الإنجليزي " أليكس ميتشل " الضحك بدون السيطرة على نفسه وهو بيتفرج على مسرحية كوميدية اسمها ( ذي غوديز ) وبعد نصف ساعة مات

حصلت لماكانت أربع مشعوذات في مدينة المكسيك بيقومو بإعداد جرعة من خليط هايستخدموة في الشعوذة ، ولكن وهم بيغلو الخليط السحري من الأعشاب والأمونيا في طاسة ، ماتو الساحرات الأربعة بسبب الأبخرة المتصاعدةرابع حالة

5.
الخامسة: واحد فولاية تكساس فأمريكا اسمة " هنري زيغلاند " اتعرض لإطلاق النار من شقيق البت

بتاعتة ، ولكن الطلقة أصابته بعد عشرين سنة ..ايووووووووة عشرين سنة ... لأن الأخ ما أصبش زيغلاند واستقرت الرصاصة في شجرة قريبة .... ولما قام زيغلاند بنسف جذع الشجرة بعد كدة بعشرين سنة انطلقت الطلقة وأصابته في رأسه فقتلته في الحال

6.
السادسة والاخيرة بقاحصلت في وارسوا عاصمة بولندا -بيقولك غضبت امرأة غضبا شديدا لما أبلغها زوجها أنه سيتركها لدرجة أنها رمت نفسها من نافذة الدور العاشر ... وفي هذه اللحظة كان الزوج(شوفو حظو المنيل) يخرج من المبنى فوقعت زوجته عليه وقتلته وعاشت هي

وعجبي

انها البدايــــــة

2006-11-18T20:53:00.000+02:00

ياااااااااااااااااااااااااااااااااااااااه
مش مصدق اني بكتب دلوقتى ف بلوج خاصة بيا
سامع حد بيقول واية يعنى بسلامتك عملت بلوج؟؟
اقولو لااااااااااا زى ما كتبت ف التايتل
انها البدايـــــــــــــــــــــــــــــــــــــــــــــــة
مولد نجمٌ جديد فى سماء التدوين بالمحروسة
والايامُ بيننا(وش خايف
يا جماعة بجد اليوم دة يوم فارق في حياتى

احب فأول بوست ليا

أشكر من كللللللللللل قلبي
الكونت

7arankash

لما له من أيادٍ بيضاء على حياتى التدوينية

وأقوله {ليس الانجاز ان تصنع ألف صديق فالسنة ولكن الانجاز ان تصنع صديق لألف سنة

انتظروووووووووووووني فى اول موضوعاتى قريب

وأوعــى تنســـــى

ايييييييوة وشك كدة